Ræðarinn
Í djúpbláum mar speglast móðurjörðin
Er vaskur ræðarinn leggur af stað
Skipið það gárar silkisléttan fjörðinn,
og sísoltið mávager umkringir það
Rúmsjó hann rösklega sækir
Róður er björg færir bú
Hlutverk sitt hann ei vanrækir
Höndum hörðum í góðri trú
Vetrarhvelfing skartar slæðum grænum
Er sáttur á heimleið rær
Auðmjúkur gleðst yfir afla vænum
Alein hans bíður, elskuð vanfær mær
Er vaskur ræðarinn leggur af stað
Skipið það gárar silkisléttan fjörðinn,
og sísoltið mávager umkringir það
Rúmsjó hann rösklega sækir
Róður er björg færir bú
Hlutverk sitt hann ei vanrækir
Höndum hörðum í góðri trú
Vetrarhvelfing skartar slæðum grænum
Er sáttur á heimleið rær
Auðmjúkur gleðst yfir afla vænum
Alein hans bíður, elskuð vanfær mær